Skylge

Gemeente Skylge    (Flagge fan Skylge) (Wapen fan Skylge)
Provinsje	Fryslân
Boargemaster	J.M. Visser
Haadplak	West-Skylge
Gebiet - wetter	674,00 km² -  585,90 km²
Ynwenners	4.725
Ferkearsieren	---
Netnûmer	0562
Postkoades	8881 - 8897
Offisjele webstee	www.terschelling.nl

Skylge (Terschelling), yn de lokale Fryske dialekten Schylge, is ien fan de fiif Westfryske eilannen. It is in gemeente mei 4.743 ynwenners (1 jannewaris 2003). De gemeente hat in gebiet fan 674 km², wêrfan 585,77 km² wetter, en 89 km kust. Ta de gemeente Skylge heart net allinnich it eilân Skylge, mar ek It Gryn.

Ynhâld 1 Plakken 2 Skiednis 3 Taal 4 Sjoch ek 5 Keppeling om útens

Plakken

It haadplak fan it eilân is West-Skylge, en de oare plakken op it eilân binne: Aasterein, Baaidunen, Formearum, Hee, Hoarn, Kaart, Kinnum, Landerum, Lies, Midslân, en Stryp.

Fierders lizze op it eilân noch de buorskippen Healwei en Horp.

Skiednis

Skylge is ûnstien as sânwâl op de râne fan de Noardsee. Oant 1287 hie dy noch ferbining mei de Fryske wal, mar sûnt dy tiid is it in Frysk eilân. De slingen dy't it eilân nei west en nei east beheinden binne yn de rin fan de tiid fersâne, dat Skylge is yn beide rjochtingen grutter wurden.

Skylge hat in strategysk plak by de Flystream, dat it is yn de measte oarloggen yn Nederlân wol oanfallen wurden, somtiden fan beide kanten. It hearde dan ek de iene kear by Hollân, en de oare kear wer by Fryslân. De lêste feroaring wie yn 1942, doe't it wêr by Fryslân kaam.

Taal

Skylge hat twa Fryske dialekten, it Westersk (Schyllingers), sprutsen oan de westkant fan it eilân, en it Aastersk (Aasters), dat sprutsen wurdt yn de eastlike doarpen. Beide dialekten wike frijwat ôf fan de fêstewaldialekten, mar binne foar oare Westerlauwerske Friezen goed nei te kommen. Tusken dizze twa dialektgebieten leit in gebiet, Midslân en omkriten, dêr't Midslânsk (Meslânzers) sprutsen wurdt, in dialekt dat fergelykber is mei it Stedsk.

Sjoch ek

• Fryske doarpen
• Fryske gemeenten

Keppeling om útens

• Webstee fan de gemeente
• Gedichten yn it Meslânzersk fan Jo Smit op Tresoar

Fryske eilannen
Westfryske eilannen: Tessel - Flylân - Skylge - Amelân - Skiermûntseach - de Richel - it Gryn - Rottum (eilân) Eastfryske eilannen: Boarkum - Lütje Hörn - Memmert - Júst - Nordeneach - Langerëach - Spikereach - Wangereach Noardfryske eilannen: Helgolân - Pälweerm - Noardstrân - de Halligen - Oomram - Feer - Söl - Rømø - Mandø - Fanø

Why are we here?
All text is available under the terms of the GNU Free Documentation License
This page is cache of Wikipedia. History