Јовица Тасевски - Етернијан
Јовица Тасевски - Етернијан (роден на 25 јули 1976 год. во Скопје, Република Македонија) е македонски поет, есеист, критичар и преведувач. Дипломирал општа и компаративна книжевност на Филолошкиот факултет „Блаже Конески“ - Скопје. Работи во Националната и универзитетска библиотека „Св. Климент Охридски“ - Скопје и уредник е на списанието за литература, уметност и култура „Стремеж“ - Прилеп. Член е на Друштвото на писателите на Македонија.
Литературно творештво
- „Нешто се слуша“ (поезија, 1995)
- „Визии. Глагол“ (поезија, 1997)
- „Веда“ (поезија, 1998)
- „Постојното, плимата“ (книжевни критики, есеи и студии, 2000)
- „Клатно“ (поезија, 2001)
- „Небесни стражи“ (поезија, 2004)
- „Посоки и огледи“ (книжевни критики, есеи и студии, 2006)
Заедно со Маја Апостолоска го има составено изборот од современата македонска поезија со библиски, религиозни и апокрифни мотиви што излезе како специјален број на списанието Стремеж (11.12.2000). Ја има составено и антологијата на младата македонска поезија „Неидентификувана небесна дојка“ (2001).
Неговата поезија е застапена во повеќе антологии и преведена е на англиски, полски, грчки, српски, хрватски и словенечки јазик.
Надворешни врски
„Небесни стражи“ од Јовица Тасевски - Етернијан
Why are we here?
All text is available under the terms of the GNU Free Documentation License
This page is cache of Wikipedia. History