Војдан Чернодрински
Војдан Поп Георгиев - Чернодрински (Селци, Струга, 15 јануари 1875 - Софија, 8 јануари 1951), истакнат македонски писател, патриот, револуционер, театарски режисер, артист и основоположник на македонскиот театар.
Чернодрински потекнува од свештеничко семејство. Своето основно образование го завршил во својот роден крај во Охрид, во егзархиското училиште „Свети Климент“, а средното образование во Солун и Софија. Cтудирал правно во Швајцарија (во Грац и во Берн), a потоа 1897 работел како учител во село Могила, Битолско. Во 1897 година беше учител во битолското село Могила.
Основач е и раководител на драмскиот кружок Македонски зговор (1894) во коj подготвувал театарски пиеси. Во 1901 година во Софија го формирал театарот Скрб и утеха во кој давал театарски претстави во Бугарија, Македонија и Србија (1903).
Чернодрински е автор на најпопуларната македонска драма Македонска крвава свадба (1900) и на првата драмска творба во стихови Срешта (1903) и е најплодниот драмски писател на македонски јазик до крајот на Втората светска војна.
Чернодрински ги напиша првите страници на македонската драмска литература и ги удри темелите на македонското театарско дело. Сето тоа го стори во името на слободата на македонскиот народ. Делата на Чернодрински се непосредно инспирирани од македонското револуционерно минато.
Негово најпознато дело е драмата „Македонска крвава свадба“, што ја напиша во 1900 година, а премиерата е одржана во Софија, на 20 ноември 1900 година.
Драмски текстови
- Дрварите (1895)
- Во меаната (1895)
- Македонска емиграција (1897)
- Македонска крвава свадба (1900)
- Од глаата си патиме (1902)
- Робот и агата (1902)
- Зло за зло (1903)
- Срешта (1903)
- Мајстори (1903)
- Духот на слободата (1909)
- На реката (1921)
- На Нова година (1921)
- Цар Пир (1921)
- Бурите крај Вардар (1925)
- Цвета војвотката (1929)
- Слав Драгота (1930)
Библиографија
- Иван Ивановски, 25 години театарски игри Војдан Чернодрински, Скопје 1990
Надворешни врски
- Војдан Чернодрински – “Македонска крвава свадба” и историите на техната “Историја” - статија од д-р Николај Јорданов, в. Културен форум, бугарска гледна точка (на бугарски)
- Значајни личности, Војдан Чернодрински
Why are we here?
All text is available under the terms of the GNU Free Documentation License
This page is cache of Wikipedia. History