Жарко Кујунџиски
Жарко Кујунџиски (роден на 19 мај 1980 во Скопје) е македонски прозаист и драмски автор. Ги објавил романите Spectator (2003), Америка (2006) и Најдено загубено (2008), како и книгата драми Ендрју, љубов и други непогоди (2004).
Spectator е првиот дебитантски роман во македонската книжевност со четири изданија.
Во своите дела Кујунџиски се занимава со комплексните односи меѓу единките во современото општество, невозможноста да се воспостави целосна емотивна комуникација, поради личните преобликувања и преобразби на впечатливите ликови кои најчесто се хиперсензитивни и кршливи, како и со процесите на претворање на материјалното во метафизичко.
Ги превел од англиски Појадок кај Тифани од Труман Капоти (2006) и Евтини приказни од Квентин Тарантино и Роџер Евари (2008).
Добитник на петнаесеттина награди за најдобар краток расказ, драмски текст и есеј. Во 2003 година ја добил наградата "13 Ноември".
Моментално е магистрант на Филолошкиот факултет Блаже Конески, Катедра за општа и компаративна книжевност, и уредник на e-zine-от Репер (www.reper.net.mk).
Надворешни врски
Why are we here?
All text is available under the terms of the GNU Free Documentation License
This page is cache of Wikipedia. History