Скендербег


Free Web Hosting with Website Builder
„Скендербег и народот“,
ваја на Јанаќ Пачо и Генч Хајдари во народниот музеј во Крује, Албанија.

Ѓорѓија Кастриот (6 мај, 1405 — 17 јануари, 1468), попознат како Скендербег (бег Александар)[1], е една од најпроминентните личности во историјата на Албанија и на албанскиот народ.

Скендербег е роден како „Ѓерѓ Кастриоти“ во Крује, денешна Албанија. Син на Јован Кастриоти, тој потекнувал од феудалното христијанско семејство „Кастриоти“. Според англискиот историчар Гибон, Јован Кастриот бил кнез на Епир[2], кој ги вклучуваше денешните албански области Мат, Крује, Мирдита и Дибер.[3]. Неговата мајка Воисава, била кнегиња[4], од полошкото семејството „Трибалда“[5] или од благородното семејство „Музака“.[6]

Јован Кастриоти, за да задржи поседи во средна Албанија и во дебарската област, ги дал своите синови како заложници кај султанот. Таму Скендербег ја сменал својата вера во Ислам[7] и завршил воена школа во Одрин, како и војувал во турска војска и однесол многу победи за Отоманското царство.

За своите воени заслуги, го добил званието „Искендер Беј“ („бег Александар“ — тур. İskender Bey, алб. Skënderbeg) споредувајќи ја воената умешност на неговото семејство со Александар Македонски.[2] Користејќи ги слабостите во Отоманската Империја, тој се отцепил од турската власт и кренал востание во Дебарско. По низа драматични пресврти востанието на Скендербег конечно било задушено, и тоа токму од неговиот сонародник Балабан–Паша, кој раководел со османската војска.

Меѓутоа, кога војсководецот Јанош Хуњади ги поразил Туците кај Ниш во 1443 г., Скендербег ја напуштил турската војска[8], се вратил во Албанија и повторно прифатил христијанство. Оттогаш водил беспоштедна борба против Османското царство.

Извори

  1. ↑ За своите воени заслуги, го добил званието „Искендер Беј“ (бег Александар; тур. İskender Bey, алб. Skënderbeg) споредувајќи ја воената умешност на неговото семејство со Александар Македонски.
  2. ↑ 2,0 2,1 Edward Gibbon, 1788, History of the Decline and Fall of the Roman Empire, Volume 6, Дел за Скендербег на англиски
  3. ↑ Edwin E. Jacques, The Albanians: An Ethnic History, 1994, p. 179
  4. ↑ Marin Barleti, 1508, Historia de vita et gestis Scanderbegi Epirotarum principis
  5. ↑ Camille Paganel, 1855, "Histoire de Scanderbeg, ou Turcs et Chrétiens du XVe siècle"
  6. ↑ Hodgkinson, Harry. Scanderbeg: From Ottoman Captive to Albanian Hero. I. B. Tauris. ISBN-13: 978-1850439417
  7. ↑ Rendina, Claudio (2000). La grande enciclopedia di Roma. Rome: Newton Compton. ISBN 88-8289-316-2.
  8. ↑ James Emerson Tennent, 1845, The History of Modern Greece, from Its Conquest by the Romans B.C.146, to the Present Time


Оваа статија поврзана со лична биографија е никулец.
Можете да помогнете со тоа што ќе ја проширите.






Why are we here?
All text is available under the terms of the GNU Free Documentation License
This page is cache of Wikipedia. History